Up in the Mornin's No' for Me Lyrics

Cauld blaws the wind frae north tae south,
the drift is driving fairly,
The sheep are cowerin' in the heugh,
o sirs it's winter sairly.
Up in the mornin"s no' for me,
up in the mornin' early,
When a' the hills are covered wi' snaw,
I'm sure that it's winter sairly.

Loud roars the blast amang the woods,
and tirls the branches barely,
On hill and hoose hear how it thuds,
the frost is nippin' sairly.

Up in the mornin"s no' for me,
up in the mornin' early,
When a' the hills are covered wi' snaw,
I'm sure that it's winter sairly.

The sun peeps ower yon southland hills
like onie timerous carlie,
Just blinks a wee then sinks again,
and that we find severely.
Up in the mornin"s no' for me,
up in the mornin' early,
When a' the hills are covered wi' snaw,
I'm sure that it's winter sairly.

Nae linties lilt on hedge nor bush,
poor things they suffer sairly,
In cauldrife quarters o' the nicht,
a' day they feed but sparely.

Up in the mornin"s no' for me,
up in the mornin' early,
When a' the hills are covered wi' snaw,
I'm sure that it's winter sairly.
A cosy hoose and a canty wife
aye keep a body cheerly,
And pantries stowed wi' meat and drink,
they answer unco rarely.

Up in the mornin"s no' for me,
up in the mornin' early,
When a' the hills are covered wi' snaw,
I'm sure that it's winter sairly.

Up in the mornin"s no' for me,
up in the mornin' early,
When a' the hills are covered wi' snaw,
I'm sure that it's winter sairly.