Disamparados Lyrics

Notte 'e anneu
chena una lumera
e in coro meu
no b'at un'ispera.
Mi sa die
chi istoccat una nue
e rie, rie
benit innoe... beni intonende unu dillu...
In sos muntonarzos, sos disamparados
chirchende ricattu, chirchende.
In mesu a sa zente, in mesu
a s'istrada dimandende.
Sa vida s'ischidat pranghende.

Bois, fizos 'e niunu,
chin sos annos irmenticados.
Tue nd'as solu chimbant'unu
ma paren' chent'annos.

Dae sos muntonarzos de sa ziviltade
sa 'oghe 'e sos disamparados.
Ponimus una cantone
ei chena alenu picare
cantamus pro no irmenticare.
Bois, jajos 'e niunu
chin sos annos irmenticados,
sa vida ue bos hat juttu?
In sos muntonarzos!
Coro meu
fuente 'ia, gradessida
Gai, puru deo
potho bier'a sa vida.
Mi sa die
chi istoccat una nue
e rie, rie
beni innoe... beni intonende unu dillu.
Nois fizos 'e niunu
in sos annos irmenticados,
sa vida ue nos hat juttu?
In sos muntonarzos!

In sos muntonarzos, sos disamparados
chirchende ricattu, chirchende.
In mesu a sa zente, in mesu
a s'istrada dimandende.
Sa vida s'ischidat pranghende.

Bois, jajos 'e niunu
chin sos annos irmenticados
Tue n'dhas solo chimbant'unu
ma paren'chent'annos.

In sos muntonarzos...