Querfäldy zum Pazifik Lyrics

Querfäldy zum Pazifik

Trouble wäge Panama,
si wei eim nümmeh dürela.

Kanal isch zue, da nützt ke Trick,

muesch querfäldy zum Pazifik.

Ds Schiff im Schlepp ufem Highway 10

geits immer wyter so wie denn

di erste Pionier mit Ross u Wage,

u mit em Banjo statt dr Flinte,

sitzisch mängisch rächt ir Tinte,

ja, bhüet mi vorem Hühnervogel,

i gloub, mir geits a Chrage.

Mississippi überquert,

New Orleans i d Beiz ygchehrt.

Virus i dr Suppe gha,

vierzäh Tag a chranke Ma.

Ds Schiff im Schlepp ufem Highway 10
geits trotzdäm wyter...

Zmitz in Texas Panne gha,

blybt dä Kahn doch eifach stah.

Wi ne Hund bisch i de Flöh,

tuusig Chüeh u keni Pnö.

Ds Schiff im Schlepp ufem Highway 10

Geits ändlech wyter...

Rocky Mountains no im Schnee

u dr Fahrer trinkt nid nume Tee,

plötzlech rütschisch wi im Schwick,
abwärts gäge Pazifik.

Ds Schiff im Schlepp ufem Highway 10

geits ändlech wyter...

Uf dr andre Syte Zytig gchouft,

wettsch ja wüsse, was so louft.

Rat mal, was steit vore druff,

Kanal syg geschter wider uf.

Ds Schiff im Schlepp ufem Highway 10

bisch ändlech däne so wie denn

di erste Pionier mit Ross u Wage,

u mit em Banjo statt dr Flinte,

sitzisch mängisch rächt ir Tinte,

ja, bhüet mi vorem Hühnervogel,

i gloub, mir platzt dr Chrage.