Astronomisch isch das Objekt es schwarzes Loch
Physikalisch unerklärlech und absurd jedoch
Ökologisch höchschtens no für dä es Risiko
Wo das Ding ir Zuekunft no a Gring wird übercho
Was dert drin alls Platz het, hätt uf kere Chuehut Platz
E ganzi Apothek, sogar e Liebesbrief vom Schatz
Tuusig chlyni Sächeli u was me süsch so bruucht
All dä Plunder isch uf chlynschtem Ruum dert zämegstuucht
Es git sibe Wunder uf dr Wält und ds achte, jedi Wett
Isch zwyfellos ds erstunlechschte, wo d Mönscheit gschaffe het
Nid dr Taj Mahal, dr Eifelturm und ke berüehmte Bou
Nei, ds achte Wunder uf dr Wält isch ds Täschli vo re Frou
Täschli sy nie harmlos, wi me us däm Bispiel gseht
Wo ne Frou eis het la lige, eine's gfunge het
Vom Foti völlig hi, won är dr Uswys het ufklappt
Het sech doch di Täsche mit em Täschli eine gschnappt
Meint e Schelm, es Täschli z stäle, syg e liechti Sach
Tüscht er sech, da wird ir Frou dr Killer-Instinkt wach
Chancelos, i däm Kampf wird är under d Reder cho
Dank em Täschli gwinnt si u verbindet ne grad no
Es git sibe Wunder uf dr Wält und ds achte, jedi Wett ...
Hand uf ds Härz, wär hät nid ähnlech Pynlechs scho erläbt
Schteisch am Zoll, ke Pass, kes Portemonnaie u ds Billett wäg
D Chind mit vorwurfsvolle Blicke, drümal hesch läär gschlückt
Bis de d Frou das Züg ganz cool us ihrem Täschli zückt
So isch's scho ir Steizyt gsy, u so blybts's o no lang
Was mer lö la lige, das ruumt d Frou uf, hingedran
Chnoche, Beeri, Portemonnaie, Wurzle, Medizin
Alls, was je verlore hesch, das fingsch bestimmt dert drin
Üsi Froue, das sy Beuteltier, si hei nis ufbewahrt
Was üs als Jeger und als Sammler tuusigi vo Jahr
Vor em Eländ grettet het, hei alls fein süberlech verstout
Ja, ds achte Wunder uf dr Wält isch ds Täschli vo re Frou
Physikalisch unerklärlech und absurd jedoch
Ökologisch höchschtens no für dä es Risiko
Wo das Ding ir Zuekunft no a Gring wird übercho
Was dert drin alls Platz het, hätt uf kere Chuehut Platz
E ganzi Apothek, sogar e Liebesbrief vom Schatz
Tuusig chlyni Sächeli u was me süsch so bruucht
All dä Plunder isch uf chlynschtem Ruum dert zämegstuucht
Es git sibe Wunder uf dr Wält und ds achte, jedi Wett
Isch zwyfellos ds erstunlechschte, wo d Mönscheit gschaffe het
Nid dr Taj Mahal, dr Eifelturm und ke berüehmte Bou
Nei, ds achte Wunder uf dr Wält isch ds Täschli vo re Frou
Täschli sy nie harmlos, wi me us däm Bispiel gseht
Wo ne Frou eis het la lige, eine's gfunge het
Vom Foti völlig hi, won är dr Uswys het ufklappt
Het sech doch di Täsche mit em Täschli eine gschnappt
Meint e Schelm, es Täschli z stäle, syg e liechti Sach
Tüscht er sech, da wird ir Frou dr Killer-Instinkt wach
Chancelos, i däm Kampf wird är under d Reder cho
Dank em Täschli gwinnt si u verbindet ne grad no
Es git sibe Wunder uf dr Wält und ds achte, jedi Wett ...
Hand uf ds Härz, wär hät nid ähnlech Pynlechs scho erläbt
Schteisch am Zoll, ke Pass, kes Portemonnaie u ds Billett wäg
D Chind mit vorwurfsvolle Blicke, drümal hesch läär gschlückt
Bis de d Frou das Züg ganz cool us ihrem Täschli zückt
So isch's scho ir Steizyt gsy, u so blybts's o no lang
Was mer lö la lige, das ruumt d Frou uf, hingedran
Chnoche, Beeri, Portemonnaie, Wurzle, Medizin
Alls, was je verlore hesch, das fingsch bestimmt dert drin
Üsi Froue, das sy Beuteltier, si hei nis ufbewahrt
Was üs als Jeger und als Sammler tuusigi vo Jahr
Vor em Eländ grettet het, hei alls fein süberlech verstout
Ja, ds achte Wunder uf dr Wält isch ds Täschli vo re Frou