Hewae Aliye Gırmi Lyrics

Hewa Aliyê Gırmi (Soxariye)

Ya de wayi , wayi!
Duralê mı , Aliyê mı!
Biye, biye!
Heq adır wedaro!
Tore kerdi bébextiye.
Ya bıraye mı, mı va meso çolmaga Pılemoriye.
Aliyê mı, lemi, lemi; torê biye manêye

De wayi, wayi!
Dest u paê Aliyê mı pey de giredayi.
Ax lemınê!
Sungu kuye mianê bırayê mıra! Ax, de lemi!
Verde çılq perayi.
To va daye! To va bıra!
Phısta to, kes lewê tode çinê biye.

Soxariye vêsayiye persena,
Bıraê mı, verde heniyo.
Xevera mıno kistene,
Berê bırayê mı Huseni rê
Vaze mêro, na zalumu dest mekuyo.
Koe Dersimio gırso, phano!
Tufangê ho bıerzo peê phıstiya ho!
Hêfê mı bijêro!
Ko 've koê Dersimi, bıra bifeteliyo.
Ya soxariye vêsaiye persena,
Bıraê mı bonu ra yana..yano
Damao, vaze bıra Usêno
Meterisde nisto ro.
Tabur u alayiyede kewga u ceng keno, lemi, lemi.
Nat u dotê ho nia dano.
Meterisê bıray thalo;
Bıra caê nêaseno.
Heq adı re Alay Qumandar wedaro.
Telegraf kerdo vêsayê Erzurumi,
Hona pey ra yindat wazeno.
Leminê wayi...damao,
Vaze bıra Usêno teynaro.
Meteris de nisto ro,
Lemin lemin..wayi,wayi...herbi keno

Kılam u Qeyde: Khan
Vatoğ:Yusuf Yıldız(Pılemoriye)
Söz : geleneksel-dersim
Müzik : Geleneksel-dersim
Şiir : geleneksel-dersim
Derleme : Kemal Kahraman