Низ Ридовите На Изгубената Земја Lyrics

Во длабочините на мркиот еон
го барам татковиот изгубен гроб
низ ридовите на стариот дом
под сивите неба на мојот дом
Погледот лута по јатата птици
што в мрачниве мугри вреват сами
некогаш знамиња се вееле на ветрот
кај денес почиваат пророштва, тајни

И клекнувам пред гробот
чиј епитаф е исконски меч
со слова од ини кралства и војни
леени по патот на моите стари
Бедемите од солзи ќе се сронат
споменот вивнува в гради ко птица
да раскаже сага за слободниот паган
тој патот на светите молњи го следи

Восхит и рев што победа значат
в последниот бој за вишните кралства
низ ридовите на древниот дом
под златното Сонце на мојот дом...