L'ibierno ye una dalla salbache y crudel
que me remera que son robinatos os suenios d'antes más,
de magorías azetas y paxaros de cotón,
suenios de maitins de miel y zirgüellos,
caldrá retornar toz os suenios...
A finestra teix a plebia catenaza,
ixufrina conzietera...
"En iste mundo no bi ha puesto ta chen como tú"
dizió lo manguán d'a ofizina d'emplego.
Fa fredo, soi solenco en casa,
Os míos amigos son muito luen...
Maldigo cada inte d'a cutiana comeya
que nos empenta enta l'aconortamiento,
malos tiempos ta la dignidá,
pero no puedo estar mantudo,
a tristura ye un sentimiento biedau
ta la chen que ha de fer-se o pre cada diya,
a depresión ye un luxo burgués,
incompatible con a clase obrera...
"En iste mundo no bi ha puesto ta chen como tú"
dizió lo manguán d'a ofizina d'emplego.
que me remera que son robinatos os suenios d'antes más,
de magorías azetas y paxaros de cotón,
suenios de maitins de miel y zirgüellos,
caldrá retornar toz os suenios...
A finestra teix a plebia catenaza,
ixufrina conzietera...
"En iste mundo no bi ha puesto ta chen como tú"
dizió lo manguán d'a ofizina d'emplego.
Fa fredo, soi solenco en casa,
Os míos amigos son muito luen...
Maldigo cada inte d'a cutiana comeya
que nos empenta enta l'aconortamiento,
malos tiempos ta la dignidá,
pero no puedo estar mantudo,
a tristura ye un sentimiento biedau
ta la chen que ha de fer-se o pre cada diya,
a depresión ye un luxo burgués,
incompatible con a clase obrera...
"En iste mundo no bi ha puesto ta chen como tú"
dizió lo manguán d'a ofizina d'emplego.