Tarantella internazionale Lyrics

Tarantè'...
Marí' pecché te si' sbizzarrita
cu chesti mmùseche furastiere?
Tarantè'...
Mo cu "Valenzia"...mo cu "Paquita"...
Napulitano nun cante cchiù!...
Se scetassero
tutt''e ccanzone 'e nu seculo,
fatte a Napule,
primma 'e sti mmùseche oje né'...
Datammillo nu tammurro:
Voglio 'o popolo attuorno a me!

Qua' spagnola? Qua' americana?
ma s''o ccredono o fanno apposta?
Chest'è musica paisana!
Chest'è pane d''a casa nosta!
Chist'è Napule quann'abballa:
Tarantella...tarantè'!...

II

Tarantè'...
Tammorre e zuóccole c**umbina...
Pulecenella cu 'o cuppulone...
tarantè'...
Mo si' Spagnola, si' Parigina,
e 'a gente crede ch'è nuvita!
Nu' pe' dicere:
Chesta è 'a scuperta 'e ll'America...
basta sèntere
pe' tutt''o munno cantá,
cu chitarre e manduline,
"Funiculí - funiculá"...!

Qua' spagnola? qua' americana?
..............................
III

Tarantè'...
Cu stu ciardino...cu 'sta serata,
che vuó' "Valenzia" che vuó' "Paquita"?
Tarantè'...
Voglio 'a canzone cchiù appassiunata,
cchiù bella e antica, cantata 'a te...

Canta e guárdame
st'uocchie ca ridono e chiágnono...
Canta e, a ll'ùrdemo,
mme vide allèro turná...
Cu na rosa 'mmiez'ê diente,
Tarantella, voglio abballá!...

Qua' spagnola? Qua' americana?