Stell da vor Lyrics

Stell da vor, du bist a Warmer
oder wia ma heut sagt: schwul
stöh da vor dass d'grad verliebt bist
komm, jetzt tua doch ned so cool
stell da vor, du kannst des niemand
wirklich niemandem derzähln
weu es derf ja kana wissen
was di nachts für Träume quäln
stell da vor, wie sehr des weh tuat
im Verborgenen zu blühn
im Verborgenen zu lieben
und den Hetero zu spühn
stell da vor du bist a Warmer
der allan im Kalten steht
dem der mut fehlt, sich zu outen
und drum red jetzt ned so bled

Stell da vor du bist a Warmer
lach ned stell dir's afoch vor
sag ma, nur für fünf Minuten
weu zum vorstelln is des gnua
denk da, ned amoi dei Mutter
hat a Ahnung wias die fühlst
und dei Vater is so eisig
dass du di an eam verkühlst
glaub ma, jede Form von Liebe
is fü besser als der Hass
nenn es s** oder Erotik
Jede, Jeder gspürt doch was
stell da vor du bist a Warmer
dem's genau wia andern geht
der nur ans wü: ned allan sei
und drum red jetzt ned so bled
Und bedenk, dass'd nix dafür kannst
wann du so veranlagt bist
glaub den schas ned mit der Sünde
und den ganzen prüden Mist
stell da vor du bist a Warmer
dem's genau wia andern geht
der nur ans wü: ned allan sei
und drum red jetzt ned so bled
der nur ans wü: ned allan sei ...