رئيس البلاد، هاني اليوم نحكي معاك
بإسمي و باسم الشعب الكلّ اللّي عايش فِلعذاب
2011، مازال فمّ شكون يموت بالجوع
حَبّ يخدم باش يعيش لكن صوتو موش مسموع
أهبط للشّارع وشوف لعباد ولاّت وحوش
شوف الحاكم بالماتراك "تاك أتاك" ما على بالوش
مادام ما فمّا حدّ باش يقلّو كلمة لا
حتّى القانون الّي في الدستور نفّخو واُشرب ماه
كل نهار نسمع قضيّة ركّبوهالو بالسّيف
بورتان الحاكم يعرف اللّي هو عبد نظيف
نشوف في اللّحناش تضرب في النساء المتحجّبين
زعمة ترضاها لبنتك؟ عارف كلام يبكّي العين
عارف مادامك بو ما ترضاش الشرّ لصغارك
ألور هذا ميساج عبارة واحد من صغارك يحكي معاك،
مالسوفرنس رانا عايشين كالكلاب
شطر الشعب عايشين الذلّ وذاقوا من كآس لعذاب
رئيس البلاد، شعبك مات
برشة عباد اليوم مالزبلة كلات
هاك تشوف آش قاعد صاير فللبلاد
مآسي بارتو وناس ما لقاتش وين تبات
هاني نحكي باسم الشعب اللّي تظلمو و اللّي نداسو بالصبّاط
(2×)
رئيس لبلاد، قتلي اِحكي من غير خوفْ
هاني حكيت لكن عارف اِلّي نهايتي كان لكفوفْ
نشوف في برشة ظلم هاذاكا علاش اِخترتك
لا، بورتان وصّاوني برشة عباد اِلّي نهايتي كان الإعدامْ
لكن، إلى متى التوّنسي عايش فِاْلأوهامْ
وينها حريّة التعبير؟ ريت منها كان لكلامْ
سمّيتوا تونس بالخضراء، رئيس لبلاد، هاك تشوفْ
اليوم لبلاد ولاّت صحراء مقسومة على زوز طروف
سرقات بالمكشوف، بالغورة مِلكوا البلاد
من غير ما نسمّي اِنتِ تعرف شكونهم هالعباد
برشة فلوس كانت ماشية مشاريع و اِنجازات
مدارس ومصحّات، بناءات و تعديلات
لكن أولاد الكلاب بفلوس الشعب عبّاوا الكروش
سرقوا ونهبوا وفكّوا وخطفوا وفي الكراسي ما سيّبوش
نعرف الّي برشا كلام في قلب الشعب ما يوصلش
كان جا الوضع من غير ظلم راني ليوم ما نتكلّمش
رئيس البلاد، شعبك مات
برشة عباد اليوم مالزبلة كلات
هاك تشوف آش قاعد صاير فللبلاد
مآسي بارتو و ناس ما لقاتش وين تبات
هاني نحكي باسم الشعب اللّي تظلمو و اللّي نداسو بالصبّاط
(2×)
أوكي...صوت لبلاد...جنرال...2011
نفس الحال...نفس المشاكل والسوفرنس
رئيس البلاد... رئيس البلاد... رئيس البلاد...
رئيس البلاد، شعبك مات
برشة عباد اليوم مالزبلة كلات
هاك تشوف آش قاعد صاير فللبلاد
مآسي بارتو و ناس ما لقاتش وين تبات
هاني نحكي باسم الشعب اللّي تظلمو و اللّي نداسو بالصبّاط
(2×)
بإسمي و باسم الشعب الكلّ اللّي عايش فِلعذاب
2011، مازال فمّ شكون يموت بالجوع
حَبّ يخدم باش يعيش لكن صوتو موش مسموع
أهبط للشّارع وشوف لعباد ولاّت وحوش
شوف الحاكم بالماتراك "تاك أتاك" ما على بالوش
مادام ما فمّا حدّ باش يقلّو كلمة لا
حتّى القانون الّي في الدستور نفّخو واُشرب ماه
كل نهار نسمع قضيّة ركّبوهالو بالسّيف
بورتان الحاكم يعرف اللّي هو عبد نظيف
نشوف في اللّحناش تضرب في النساء المتحجّبين
زعمة ترضاها لبنتك؟ عارف كلام يبكّي العين
عارف مادامك بو ما ترضاش الشرّ لصغارك
ألور هذا ميساج عبارة واحد من صغارك يحكي معاك،
مالسوفرنس رانا عايشين كالكلاب
شطر الشعب عايشين الذلّ وذاقوا من كآس لعذاب
رئيس البلاد، شعبك مات
برشة عباد اليوم مالزبلة كلات
هاك تشوف آش قاعد صاير فللبلاد
مآسي بارتو وناس ما لقاتش وين تبات
هاني نحكي باسم الشعب اللّي تظلمو و اللّي نداسو بالصبّاط
(2×)
رئيس لبلاد، قتلي اِحكي من غير خوفْ
هاني حكيت لكن عارف اِلّي نهايتي كان لكفوفْ
نشوف في برشة ظلم هاذاكا علاش اِخترتك
لا، بورتان وصّاوني برشة عباد اِلّي نهايتي كان الإعدامْ
لكن، إلى متى التوّنسي عايش فِاْلأوهامْ
وينها حريّة التعبير؟ ريت منها كان لكلامْ
سمّيتوا تونس بالخضراء، رئيس لبلاد، هاك تشوفْ
اليوم لبلاد ولاّت صحراء مقسومة على زوز طروف
سرقات بالمكشوف، بالغورة مِلكوا البلاد
من غير ما نسمّي اِنتِ تعرف شكونهم هالعباد
برشة فلوس كانت ماشية مشاريع و اِنجازات
مدارس ومصحّات، بناءات و تعديلات
لكن أولاد الكلاب بفلوس الشعب عبّاوا الكروش
سرقوا ونهبوا وفكّوا وخطفوا وفي الكراسي ما سيّبوش
نعرف الّي برشا كلام في قلب الشعب ما يوصلش
كان جا الوضع من غير ظلم راني ليوم ما نتكلّمش
رئيس البلاد، شعبك مات
برشة عباد اليوم مالزبلة كلات
هاك تشوف آش قاعد صاير فللبلاد
مآسي بارتو و ناس ما لقاتش وين تبات
هاني نحكي باسم الشعب اللّي تظلمو و اللّي نداسو بالصبّاط
(2×)
أوكي...صوت لبلاد...جنرال...2011
نفس الحال...نفس المشاكل والسوفرنس
رئيس البلاد... رئيس البلاد... رئيس البلاد...
رئيس البلاد، شعبك مات
برشة عباد اليوم مالزبلة كلات
هاك تشوف آش قاعد صاير فللبلاد
مآسي بارتو و ناس ما لقاتش وين تبات
هاني نحكي باسم الشعب اللّي تظلمو و اللّي نداسو بالصبّاط
(2×)