El vieyu combatiente Lyrics

Cautivu y desarmáu pola subcontrata,
el vieyu combatiente a veces contraataca.
Él siempre a vueltes cola mesma batalla,
que si derechos, que si la paga.
Daquién que lu escucha aparta la mirada.
Arroxen de vergoña, sorríen cola babaya.
Pesen hipoteques, plazos y putaes.
El vieyu combatiente nun tien mui bona fama.

Tantu palu, tanta fame, tantu muertu.
Tantes hosties, tantes fuelgues,
¿y agora qué pasó cola memoria?

Díes de llucha, nueches de hiel,
un tiempu muertu pa nun golver.
Paez que ta sordo la xente
y hai qu'insistir no evidente.
Güei por min,
mañana por ti...

Cautivu y desarmáu pola subcontrata,
el vieyu combatiente a veces contraataca.
Él siempre a vueltes cola mesma batalla,
que si derechos, que si la paga.

Ayeri despidiéronlu,
y nos compañeros un mesmu pensamientu.
La obra ta desierta, la obra ta parada.
Qu'espere la hipoteca, ye hora d'entamala.
Tantu palu, tanta fame, tantu muertu.
Tantes hosties, tantes fuelgues,
¿y agora qué pasó cola memoria?

Díes de llucha, nueches de miel,
un tiempu vivu que va golver.
Paez que ta sordo la xente
y hai qu'insistir no evidente.

Güei por min,
mañana por ti...