Schöne Bescherung Lyrics

Schöne Bescherung lyrics
by Bläck Fööss

De Pänz dürfen renn, et Christkind wor do
se singen en Leed su wie jedes Johr
d'r Tannebaum brennt, et Fes fänk jetz aan
et schöns wat mer han, wer hängt do nit dran
dä Ühm drink e Schnäpsje un wed jot jesinnt
die Katz litt om Stohl, ich jlöv die pennt
de Oma hält sich an der Eierlikör
et Weinaatjedich träch et Ännche jrad vür

Schöne Bescherung
einmol em Johr
Schöne Bescherung
un all sin se do (eja)
loß mer jet singe
Oma fang ahn eja eja eja
eja eja

Dä Ühm dä hät Spaß sing Äujelche jlänz
he säät luur ens wie brav se spille uns Pänz
de Hungk käut am Knoche, dä fingk hä so schön
un bieß us Versehn in de Steckdos eren
dä Willi probeet jrad sing Iesebahn us
et Ännche wed neidisch un mäht se im us
de Willi krit Woot will et Ännche jrad schlan
do süüt hä de Kripp ungerm Tannebaum stonn
Schöne Bescherung
einmol em Johr
Schöne Bescherung
un all sin se do (eja)
loß mer jet singe
Oma fang aan eja eja
eja eja

De Katz unbemerk jeht höösch in de Küsch
un hät ens jeluurt, wat do su joot rüsch
de Mamm kütt erinn un brüllt koot für Schreck
se süüt wie de Katz jrad der Puter affleck
de Ühm säät janz leis jetz han ich jenooch
er luurt stief jradus un hält sich der Buch
der Papp sät woröm dann, et fäng doch eets ahn
da kipp unsre Ühm mit de Fläsch in de Tann

Schöne Bescherung
einmol em Johr
Schöne Bescherung
un all sin se do (eja)
loß mer jet singe
k** Oma fang aan eja eja eja
eja eja
Schöne Bescherung
einmol em Johr
Schöne Bescherung
un all sin se do (eja)
loß mer jet singe
Oma fang aan eja eja
eja eja

Schöne Bescherung

Schöne Bescherung

loß mer jet singe

eja

eja eja eja