Maio in to salaio Lyrics

Tûtti se dixe che l'è mëgio stäsene fantin,
che sotta donne e figgiêu en un castigo de Dio.
Ma l'è anche vëa che un pei de mussa o tïa de ciù
che 'na cubia de bêu.
E mí che no son ciù asperto guëi de vôiatri,
a-o posto di bêu me tocca de tiâ i aratri,
me scordo d'anâ pe' mussa co-i amixi
imprigionôu in casa a fâ de lavatrixi.
Basta cirulle a-a seja in compagnia,
ninte ciù gotti a l'östaia do Dria,
mai ballun in t'a tele, solo telenovele,
me s'aggruppan e bële a sentila criâ...
RIT.
Sci te crïo, leva a pûvia de in gïo,
ghe n'è zà ciù de un dïo, stïa anche o mæ de vestïo,
mettighe un pö d'asbrïo, finchè no t'è finïo
mí son chí che t'ammio co-a spassuia in te man!
Cangia zêugo, nascian fûnzi in to lêugo
da chí a un pö me gh'accuægo, metti l'ægua in scio-o feûgo,
danni i punti a 'sto sbrego, sciortan ratti da o frigo,
de maschæ mí te imbriægo se ti væ in scio-o divan.
Che stoïe me tïo compagni de st'avventûa,
a fà arrivâ seia a votte l'è troppo dûa.
Mí penso ai vint'anni con un groppo in t'a gôa,
son quelli che restan che me fan ancon ciù puia.
Basta cirulle a-a seja in compagnia,
ninte ciù gotti a l'östaia do Dria,
mai ballun in t'a tele, solo telenovele,
me s'aggruppan e bële a sentila criâ...

...Un secondo te prego!