Agrippina Lyrics

Agrippina heiß die Frau,
die, dat wesse mer genau,
Köln am Rhing gegründet hät,
süch, dat Minsch kunnt doch jet,
däm möht mer ens sage bloß,
Köln wor hillich, doch do Oos,
wors bestemmb kein Kääzemöhn, ävver söns famos:
Agrippina Agrippinensis, wenn do ding Pänz sühs, bes de vun de Söck.
Agrippina Agrippinensis, wenn do uns Dänz sühs, hälts do uns för jeck,
doch dat es no eimol Mode hück, un mer han jo och en jecke Zick.
Agrippina Agrippinensis, wenn do ding Pänz sühs, bes de vun de Söck.

Agrippina do bestemmb
wors zor Zick d'r eeschte „Vämp".
Denn vun dingem Schisselameng,
wacklen hück noch de Wäng,
wenn met jipije d'r Tünn,
Boogie-Woogie danz mem Plünn,
un die Bebop-Bottersteen, läht ne Raspa hin.
Agrippina Agrippinensis...

Existenzialiste sin,
sin mer Pänz vum Agrippin.
Han mer anders keine Job,
weed de Trapp met verklopp,
Nüsele bruch jedermann,
wenn mer Fastelovend han,
uns, su lang d'r Dom noch steit, nix passiere kann.
Agrippina Agrippinensis...