Guet & gärn Lyrics

guet & gärn
jedes mal wenn I ume chume
a dä ort won I gebore bi
& all's eso isch wie's scho ging isch gsi
aber nümm isch so wie denn
de chunnt's mir vor
I sig dr einzig wo nie älter wird
das isch de boum won I emal
es härz ha inegritzt
& ne name & ne pfyl
hie irgendwo ir nöchi
ligt vergrabe ihre ring
I weiss nid was sie mit däm vo mir het gmacht
I läbe guet ohni sie
vergässe tue se trotzdäm nid
i däm huus hie het sie gwohnt
& bi däm fänschter het sie gschlafe
meischtens allei
& mängisch mit mir
dä brief won I schpeter a se gschriebe ha
het sie oder d poscht nid vertreit
I läbe guet ohni sie
vergässe tue se trotzdäm nid