Pepè e papoos Lyrics

El primm pontell, me ricordi l'è sta bell:
dent in dei specc, che bel gioinott,
ma porco can, g'ho sii i scarp rott...
Me sont fa dà i papoos del mè papà,
poeu sont andà tegnendo il fià.
Lee coi pepè, lee coi pepè, mi coi papoos ...
Lee la parlava e intanta mi s'eri tutt ros ...
Lee l'era bella e ghe guardaven i gagà,
mì me vedevi e me sentivi sprofondà...

A on bel moment lee la me fa: "Com' hinn odios!
te guarden tucc, te seet perchè: hinn invidios!"
L'è sta inscì che semm diventaa moros:
lee coi pepè, lee coi pepè, mi coi papoos!

Hoo risparmiaa: che pepè me sont compraa!
Corri al pontell battendo i tacch,
cont la vernis che fa cric crac...
la 'riva lee cont dù pee ch'hinn gross 'me lee:
cont dù taccon tucc de buscion!
Mì coi pepè, mì coi pepè, le coi papoos...
Lee la parlava e intanta mi vedevi roos:
strasc d'ona vòlta che me metti a fà ci gagà,
la 'riva lee cont do barchett de andà a pescà...

Senza dì nient la casci su su un autobus,
ma in del vedenn a un vegetin ghe vegn la tos:
"Eh eh eh! Com'hinn buff 'sti dù moros:
lù coi pepè, lù coi pepè, lee coi papoos!
Me son sposaa e m'han riciamà a soldata.
Sont restaa sòtt quattòrdes mes,
hoo faa a cazzot cont i frances...
El me fiolin l'è nassù che s'eri alpin...
Quand sont tornaa se semm guardaa:

Lù coi pepè, lù coi pepè, mì coi papoos;
s'eri tutt ros, de contentezza s'eri ros.
Passavom numm e se fermava tucc i tram,
me sorrideven òmen, dònn, vecc e tosann

diseven tucc: "Che bel fiolin, che bel alpin"
Forse perchè mì s'eri grand, lù piscinin;
mi so nò, ma passavom orgoglios:
lù coi pepè, lù coi pepè, mi coi papoos!!!