Mu õnn Lyrics

Mu õnn oll suurõ kivi all
ja kivi keset mõtsa
nink mõtsan oll nii hirmus hall,
mis külmält kai mu otsa.
Ma" kivvi sõski" kanguti,
et timä ala kaija"
ja uma varat õnnegi"
kas kõrrast nätä" saija".

Sääl kivi all oll kirriv lill
ku sõrmus keset tuhka,
ja lilli kõrval huulõ-pilli, -
et võta" säält ja puhka"!
Es julgu" pallo puhasta", -
mõts oll nii paks ja pümme.
Es jõvva" lilli nuhasta",
sest kell lei äkki - kümme.

Tull mõtsa suur ja sükäv üü:
mu" pilli-helü kistü.
tull turja ränk ja rassõ tüü:
es saa" ma aigu istu".
Ma" pandsõ kivi paigalõ, -
las" samblõ sisen saista"!
Ja lätsi kivist kaugõlõ,
kost sammõlgi" es paista".