Wo n'är sie s'erscht mou het gseh Lyrics

Wo n'är sie s'erscht Mou het gseh
Sich verliebt het i sie
Het er ghofft, dass är glii
Nümm elei wird si
So wie sie ihn het visiert
Het är sofort kapiert
Är het nid lang überleit, isch zue're häre
gange
Het gfrogt: «Säg bisch elei?
Wenn wottsch bring i di Hei»
So wie die Gschicht damals agfange het
So schnäu isch sie jetzt wieder z' Änd
Sie hei drüü, vier Mönet jede Tag
Fascht jedi Nacht mitnand verbrocht
Sie hei ghofft, dass das wo sie zwöi hei
Ewig so wird si
Doch d'Ewigkeit, hei sie gli gmerkt
Isch so schnäu verbi
Z'erscht hei sie mou e Pouse gmacht
Nächhär hei sie nomou gluegt
Är hätt no wöue, sie het nid
Drum hei sie sich de trennt
Wenn z'Nacht aube die Tröim si cho
Wie aus agfange het
Het är ghofft s'wärd wieder so wie denn...
Für sie isch är Vergangeheit
Sie het scho lang en andere gha
Mit ihm het sis fascht es Johr vertreit
Nächhär het sie n'e verlo
Wo n'är vo däm erfahre het
Het är wieder Hoffnig gha
Sie het sich ab ihm höchschtens gnärvt
Är het gmeint sie lieb n'e no
Sini Fründe hei sich mängs aglost
Hei gseit gsehs ändlech i
Das isch nid die, wo zu dir passt
Drum lo sie ändlech los
Nume är het vo all däm nüt wöue wüsse
Het witer für sie gschwärmt
Är het ghofft s'wärd wieder so wie denn...
Neulech i der gliiche Bar
Wie vor ungefähr zwöi Johr
Sie stoht elei am n'e Tisch, är irgendwo i de
Lüüt
Wo n'är sich umdräiht, wieder zu ihre luegt
Gseht är grad wie n'e Typ uf sie zue goht
Sie aschpricht mit ihre flirtet und dass sie
ihm schöni Ouge macht