A morte di Filicone Lyrics

Impiecà vogliu la musa
Per fanne duie canzone
Mi ritrovu indu le poghje
E dimoru in Arbitrone
Ne so tristu è scunsulatu
Chì ghjè mortu Filicone
Quand'elli a senteranu
I caciadori in Casinca
Ch'ellu hè morte Filicone
A u pede d'una listinca
N'hè mortu bellu onoratu
Cù un cinghjale capu à capu
L'aghju fattu un cimiteriu
Tuttu cintu à muraglione
Nunda chè di maestranza
Ci aghju qualchi pataccone
Senza c***à l'altru restu
E po tutte le curone

L'aghju fattu a so cascia
Tutta piena di pattume
Po ripostu lu so capu
Nantu à un cuscinu di piume
Un vogliu fà c**'è quelli
Chi li si lampanu in fiume