Strada 'nfosa Lyrics

Mme dice:
"Nun si' fatta pe' me..."
E t'annascunne 'a faccia,
pecché?
'Sta lacrema lucente che vò'?...
'Mmiez'a na strada 'nfosa,
ce simmo ditte: Addio...
Sola, pe' n'ata via,
te veco partí...

'Mmiez'a na strada 'nfosa,
chiagnenno, mm'hê vasato...
e io, ca mme ne moro,
te lasso partí!
Pecché,
tu vuo' restá, ma te ne vaje?
Pecché,
te voglio bene e dico: Va'?...

'Mmiez'a na strada 'nfosa,
sulo, comm'a na vota... ,
sulo, cu stu destino
ca mo vo' accussí...
Pecché,
mm'hê ditto addio,
pecché?
Na vota eri felice cu me...
e mo nun ce capimmo cchiù...

'Mmiez'a na strada 'nfosa,
sulo, comm'a na vota... ,
Sulo cu stu destino,
ca mo, vò' accussí...