I sartinn de Milan Lyrics

I sartinn de Milan
hinn tutt grazia e bontà,
pròpi bòn com'el pan
cont on coeur tanto faa.
A vedei la mattina,
quand van al mestee,
col gimacch, che gingina,
che ghe spasima adree.

E poeu quand venien via,
sott'a brasc al moros,
marcien pien de 'legria,
col faccin tutt mostos.

E poeu a ca' con la mamma
conten ball senza fin,
se per cas la ghe ciama,
"Chi l'è mai 'sto gingin?"

Pover cecch fan l'amor,
perchè hinn tròpp de bon coeur
e on moros l'è per lor
pròpi quell che ghe voeur.
Lavorand tutt el dì
come tant disperaa,
l'è on gran gust poeu de dì:
"Gh'emm el coeur sollevaa".

I sartinn de Milan
hinn tutt grazia e bontà,
pròpi bon com'el pan
cont on coeur tanto faa.

Di di din din din din,
di di din din din din,
di di din din din din,
di di din din din din.
Di di din din din din,
di di din din din din,
di di din din din din,
di di din din din din.

Lavorand tutt el dì
come tant disperaa,
l'è on gran gust poeu de dì:
"Gh'emm el coeur sollevaa".

I sartinn de Milan
hinn tutt grazia e bontà,
pròpi bon com'el pan
cont on coeur tanto faa.