A Meinung Lyrics

A Meinung, die in Aktentoschn
si in Stroßnbauhnen staut,
de in verhatschte Fülzpantoffen
aus oidn Schlofröck viareschaut
de si jeden Tog in de Wiatshäiser
durch a Bierlochn schleifn losst
und de si von an jeden Spotzn
vom Doch owapfeifn losst.
Fetzn, Lumpn, Hodern,
da Hodermau' is do.
k**mts olle her und lodts eicha Meinung
auf mein Haundwagerl oo.

A Meinung, die in dunkle Häiser
ohzöht und verwoitet wird,
de ma an Sunntoch beim Spazierngeh
viarehoid und strapaziert,
de jeden Tog in rote Lettern
in irgendana Zeitung steht
und de ohne Schwierigkeiten
jeden Tog zum ändern geht.
Fetzn, Lumpn, Hodern,
da Hodermau' is do.
k**mts olle her und lodts eicha Meinung
auf mein Haundwagerl oo.

A Meinung, die in Soldotnstiefen
in Reih' und Glied aufmarschiert,
und de in enge, finstere Goss'n
immer wieder flochtretn wiad,
und de si gaunz afoch in da Nocht
in irgendan Hinterhof verkriacht
und de si aun an Wochentog
vurm Antwuatgebn fiarcht.
Fetzn, Lumpn, Hodern,
da Hodermau' is do.
k**mts olle her und lodts eicha Meinung
auf mein Haundwagerl oo.
k**mts olle her und lodts eicha Meinung
auf mein Haundwagerl oo.