Condroz & western Lyrics

Levé au tchant do c**
Avou mes mannètes lokes
Dji m' va moenner les veas
Les vatches et les toreas
Dins les prés les paxhis
Dins les prés les paxhis
On pout dire vla l'sokea,
L' ewaeré, el saizi.
A l'Urope dji vos l'di
El fameus moncea d'bure,
C'est grâce a mi, droci;
Oyi, dj'endè so seur.

Dji so coboy a l' Ouwess do Condroz,
Èm Nålene vaut bén l' Colorado;
Dji so-st on pôve coboy,
Et pattavau les voyes,
Ttossu rade k' el vint d' bijhe,

So les schavêyes, les tidjes,
Dji pedale come on sot
So m' pedale-estîle velo.

Cwand c' est l' fiesse, el dicauce,
Dji vude sacwantès pintes
Au cabaret del plaece,
Et po lzès fé dischinde,
Et po k' les djoweus d' cåtes
È rpaynuxhe sacwantès ôtes,
Dji tchante Luis Mariano "Mexico"
Et "Sur mon cheval au grand galop".
Dji so coboy a l' Ouwess do Condroz,
Èm Nålene vaut bén l' Colorado;
Dji so-st on pôve coboy,
Et pattavau les voyes,
Ttossu rade k' el vint d' bijhe,

So les schavêyes, les tidjes,
Dji pedale come on sot
So m' pedale-estîle velo.

El Walonreye, on l' pout dire,
N' est nén co si fotowe;
Avou totes ses bounès bires,
El coulêye continowe.
Mins mi dji so on lomzon pinteu,
Coboy di l' Eter-Sambe-et-Mouze;
Coboy a l' Ouess do Condroz;
Naulene c'est mia ki l'Ohayo.
Dj' a mes pîs dins l' berdouye,
Mins ça m' fwait bråmint d' bén;
Dji n' vos stitche nén des couyes;
Tot fel, on n' a jamwais rén.
Sins nozôtes les cinsîs,
Gn åreut rén a magnî:
Pont d' fretches sins canadas;
Pont d' lård sins les pourceas.
On m' dira t' egzadjeres,
Mins Godom èn amburguer,
Ça n' est k' on vitoulet
Stitchî dins on pistolet.

Dji so coboy a l' Ouwess do Condroz,
Èm Nålene vaut bén l' Colorado;
Dji so-st on pôve coboy,
Et pattavau les voyes,
Ttossu rade k' el vint d' bijhe,

So les schavêyes, les tidjes,
Dji pedale come on sot
So m' pedale-estîle velo.