Un cura de aldea Lyrics

Tien una vieya sotana
y un bonete muy gastáu;
tien un rosariu con cuentes
de madera y un brebiariu
que lu reza tos los díes
cuando el sol ya ta baxando
en atapecer de oru
o en atapecer d'orbayu.
Per l'alborá diz la misa,
cuando atapez el rosariu;
per la nuechi xuega al tute
y en la cama reza al santu.
Y asomáu al correor,
pónse el probe atristayáu,
cavila si el só vivir
non tará ya fracasáu.
La iglesia fecha de piedra
ta del pueblu en lo más alto,
y ye un gozu les campanes
repicar n'el campanariu.
Y cerquina de la iglesia
tién so casina el bon párracu,
enllena de los afanes
qu'el vivir va filvanando.
Per les mañanes la misa,
cuando atapez el rosariu;
como una esfueya bendita
fecha de rezos y cantos.
Y el camín de vuelta el chigre
ya conoz el su fracasu
si de nuechi vuelve a casa
dispacín, pasín a pasu.
Dispacín, pasín a pasu