Gin I Were Where the Gadie Rins Lyrics

O gin I were where Gadie rins,
Where Gadie rins, where Gadie rins,
O gin I were where Gadie rins
By the foot o' Benachie.
I've roam'd by Tweed, I've roam'd by Tay
By border Nithan' Highland Spey,
But dearer far to me than they
Are the braes o' Benachie.
O gin I were where Gadie rins,
Where Gadie rins, where Gadie rins,
O gin I were where Gadie rins
By the foot o' Benachie.

When blade an' blossoms sprout in spring
An' bid the birdies wag the wing,
They blithly bob an' soar an' sing
By the foot o' Benachie.
O gin I were where Gadie rins,
Where Gadie rins, where Gadie rins,
O gin I were where Gadie rins
By the foot o' Benachie.
When simmer cleads the varied scene
Wilicht o' gowd an' leaves o' green,
I fain wad be where aft I've been
At the foot o' Benachie.
O gin I were where Gadie rins,
Where Gadie rins, where Gadie rins,
O gin I were where Gadie rins
By the foot o' Benachie.

When autumn's yellow sheaf is shorn,
An' barnyards stored wi stooks o' corn,
'Tis blithe to toom the clyack horn,
At the foot o' Benachie.
O gin I were where Gadie rins,
Where Gadie rins, where Gadie rins,
O gin I were where Gadie rins
By the foot o' Benachie.
When winter winds blaw sharp an' shrill
O'er icy burn an' sheeted hill,
The ingle neuk is gleesome still
At the foot o' Benachie.
O gin I were where Gadie rins,
Where Gadie rins, where Gadie rins,
O gin I were where Gadie rins
By the foot o' Benachie.