Ich was ein chint Lyrics

Ich was ein chint so wolgetan,
virgo dum florebam,
do brist mich div werlt al,
omnibus placebam.
Hoy et oe!
maledicantur tilie
iuxta viam posite!

Ia wolde ih an die wisen gan,
flores adunare,
do wolde mich ein ungetan
ibi deflorare.

Hoy et oe!
maledicantur tilie
iuxta viam posite!

Er nam mich bi der wizen hant,
sed non indecenter,
er wist mich div wise lanch
valde fraudulenter.

Hoy et oe!
maledicantur tilie
iuxta viam posite!

Er graif mir an daz wize gewant
valde indecenter,
er fuorte mih bi der hant
multum violenter.

Hoy et oe!
maledicantur tilie
iuxta viam posite!
Er sprach: «vrowe, gewir baz!
nemus est remotum.»
dirre wech, der habe haz!
planxi et hoc totum.

Hoy et oe!
maledicantur tilie
iuxta viam posite!

«Iz stat ein linde wolgetan
non procul a via,
da hab ich mine herphe lan,
tympanum c** lyra.»

Hoy et oe!
maledicantur tilie
iuxta viam posite!

Do er zu der linden chom,
dixit «sedeamus»,
- div minne twanch sêre den man -
«ludum faciamus!»

Hoy et oe!
maledicantur tilie
iuxta viam posite!
Er graif mir an den wizen lip,
non absque timore,
er sprah: «ich mache dich ein wip,
dulcis es c** ore!»

Hoy et oe!
maledicantur tilie
iuxta viam posite!

Er warf mir uof daz hemdelin,
corpore detecta,
er rante mir in daz purgelin
cuspide erecta.

Hoy et oe!
maledicantur tilie
iuxta viam posite!

Er nam den chocher unde den bogen,
bene venabatur!
der selbe hete mich betrogen.
«ludus compleatur!»

Hoy et oe!
maledicantur tilie
iuxta viam posite!