Fiirvogl Lyrics

Niäma het's gwissn
noch hiit wiistis niäma
vermuätlich wird's niä etlis wissn
dass ich ä Fiirvogl bii
mit rota Fädrun unnr im Hüät
und tüän beitun dass mu mich zum Tanz
bigäärn tuät abr niäma, niäma
Värmuätlich chann ich das nummu troim
sind d'rotum Fädrä nummu Flammä hinnär
gschlossnun Oign?
abr wenn du, miin Chinning seisch:

Fiirvogl tanz fär mich
dä han ich beed Arma imbruif
biriärn mit dn Zeewuspitzn in Bodm
chratzu mit dn Zeewu tuisig Liäbäszeichn
iin fr dich und d'Ängla heint
uufgschpillt drzuä
nummä ä Näbl, nummu ä Schattn
nummu äs Glas, wa bald zrbricht
wiän äs Bluämli auf in Mattn
nummu än Roich und wiitr nix

Drum plangä und flädrun ich im Tal wiitr
und munzinu d'Hibschi va dr Ruä
la Taga und Winsch wiä Wassr vrfliässn
bis dar du ubär miini Fäcka striichlusch
und seisch:
Fiirvogl tanz fär mich
dä han ich beed Arma imbruif
biriärun mit dä Zeewuspitzn in Bodun
chratzu mit dn Zeewu tuisig Liäbäszeichn
iin fär dich und d'Anglä heint
uufgschpillt drzuä

nummä ä Näbl, nummu ä Schattn
nummu äs Glas, wa bald zrbricht
wiän äs Bluämli auf in Mattn
nummu än Roich und wiitr nix