Una tarde de verano Lyrics

Una tarde de verano pasi por la moreria
y vi una mora lavando al pie de una fuente fria.

Yo la dishe mora linda, yo la dishe mora bella,
desha bever mis kavayos esas aguas kristalinas.
No soy mora el kavayero ke soy d'Espanya nasida,
ke me kautivaron moros dia de Paskua Florida.

Si keres venir konmigo a Espanya te yevaria.
Y la ropa, el kavayero donde yo la la desharia?
Lo ke de seda y grana en mis kavayos se iria,
y lo le ke no sirve a nada por el rio torneria.

Al yegar a akeyos kampos la ninya suspira i yora.
Porke yoras ninya bella, porke yoras ninya linda?

Yoro porke en estos kampos mi padre a kasar venia,
kon mi ermanito Aleksandro i toda su kompania.

Abris puertas i ventanas balkones i galerias,
ke por traer una esposa vos traigo a una ermana mia.