Luna caprese Lyrics

Oheee
cu mme cantate 'sta canzone,
vuje ca suffrite 'e ppene dell' ammore...
Capri
ve po' 'ncanta' cu na parola.
So' accumparute stelle a pprimma será,
tutta tragara luce mmiez' 'o mare,
na fascia argiento sott' 'e faragliune
e nu mistero 'int' 'a 'sta notta chiara.
Notte 'e silenzio e i' mo' chesta canzone,
canta' vulesse a chi m'ha affatturato...

Tu luna luna tu, luna caprese
ca faje sunna' l' ammore 'e 'nnammurate,
adduorme 'a nenna mia che sta scetata
e fall' annammura' cu na bucia...
Tu, luna luna tu, luna buciarda,
famme passa' 'sti ppene 'e gelusia
e fa ca nenna fosse tutta mia...
Tu luna luna tu, luna caprese.

E mo ca pure 'o mare s'è addurmuto
e 'e nnuvole, li stelle, hanno stutato,
dint'a sti bbracce meje, passione amara,
io te vurría tené cu nu respiro...
Ma è inutile, è destino, ca stu core,
canta surtanto pe' chi dice no!
Tu, luna luna tu, luna buciarda,
famme passa' 'sti ppene 'e gelusia
e fa ca nenna fosse tutta mia...
Tu luna luna tu, luna caprese

oheee
cu mme cantate 'sta canzone
vuje ca suffrite 'e ppene dell' ammore
capri
ve po' 'ncanta' cu na parola