nåchand werst ålt Lyrics

wånn s d ban joggn überholn muast
wånn wer jünger is als du
wånns d ban tånzn ummahupfst
åls wia r a disco-känguru
h wånns d di scho ban buckn plågst
åba ohne rot werdn sågst
dass ma di oft fürn freind va deina tochta hålt
nåchand werst ålt - nåchand werst ålt
nåchand werst ålt - nur håst as selba no nid gschnållt

wånns d auf oamål ba da hautcremewerbung
neama weitazappst
und di im musklruadaleibe
durch a fitnessstudio schleppst
wånn ma an deim låchn kennt
des gånze hängt am kukident
weil s sunst ba jedm zweitn huasta außa fållt
nåchand werst ålt - nåchand werst ålt
nåchand werst ålt - nur håst as selba no nid gschnållt

wånns d auf oanmål muats charmant werst
zu de diandln im cafe
wånn du glabst de findnt echt was
an deim graumeliertn schmäh
wånnsd dånn no ånghabig werst
nur weil s d des kichern neama hörst
und gar nid merkst dass ma di fi an trottl hålt

nåchand werst ålt - nåchand werst ålt
nåchand werst ålt - nur håst as selba no nid gschnållt
wånn in deim kastn s gleiche gwånd hänkt
wia r in dem va deine kinda
und es cabrio in da garasch
håt 10 bis 12 zylinder
wånns d von da solarium sunn
ausschaust wia da tut-ench-amun
und glabst dass echt no wem dei årsch im tanga gfållt

nåchand werst ålt - nåchand werst ålt
nåchand werst ålt - nur håst as selba no nid gschnållt

nåchand werst ålt - nåchand werst ålt
nåchand werst ålt - nur håst as selba no nid gschnållt