Waimanalo Lyrics

Ia`u i hâlia ai i ka moe
A kâhelahela i ku`u kino
`Oni ana ho`oipo a ho`ohau`oli
I ka ninihi a ka Mâluakele
Hui:
Nâ ke aloha i hânai mai
I ku`u lâ pôloli ho`i
Nâ ke aloha i ho`onui mai
I ka manawa `ono wai ho`i
Ia`u i ho`ola`i ai i ka moe
Hiki ana ka `ônohi i ku`u maka
E hapahâpai ana la e lana ka mana`o
E hui ka `ôpua me ka lâ

`O ku`u ipo milo wai a ka lâ
`O ka `awa `ili lena a ka manu
Mai mauna `oe i ka lihi wai pa`a
O kûli`u ku`e hau ka mana`o
Ua la`i ka nahele o Kalâhiku la
Kula Kapule hei a ka manu
Ho`ohâili mai ana o `Alihiwai
I po`i waikea na ka hau