Richter Lyrics

Zawarto kopalnie
Wygasły huty
Zalone szyby
Zerwane liny
Ino wiater zapach wynglo niesie
Puste domy
s***ek i lynk przed jutrym
Strach przed życiym
Ino lynk
I ból
To koniec

Zaś pchajom
Te życie
Jak co dziyń
Zaś pchajom
W milczyniu
Zaś pchajom
Ta biyda
W pokorze

Zaś pchajom
Te fury
Na Richter
W kopalni
Co karmi ich łojców
Co karmi ich dzieci
ref:
Kaj stary stoi szyb
Kaj łojców stoi dom
Kaj richtig wonio chlyb
Tam jo swój hajmat mom
Kaj huty wonio dym
Kaj fury pchajom zaś
Kaj czorno hołda jest
Tam hajmat świynty nasz (x2)

Zaś pchajom
Te fury
Ze przodka
Zaś pchajom
Ze s***kiym
Resztki wyngla
Resztki siebie
Resztki Slůnska
ref:
Kaj stary stoi szyb
Kaj łojców stoi dom
Kaj richtig wonio chlyb
Tam jo swój hajmat mom
Kaj huty wonio dym
Kaj fury pchajom zaś
Kaj czorno hołda jest
Tam hajmat świynty nasz (x2)

Kaj zastygły płomiyń dopolo się
Kaj górnik patrzy dziynnie śmierci w łoczy
Kaj ludzie stojom wierni
Tam hajmat mój