We si de geit Lyrics

I dere Wält us Isch u Glas
wo si Fäischter het i d`Luft usedänkt
tröimt si sich dervo, bi Nacht u Wind
zum nächschte Bahnhof
Ihri Reis isch scho bau z`änd
vor de Schiibe flüge Rose verby
u si weiss dass si
für sich cha stah

We si de wird ga
cha är se nümme preiche
We si würklech wird ga

De git si nöii Zeiche
u fat ganz vorne a

5U nach Jahr u mängem Tag
är wo se überall het gsuecht oder nid
trifft si irgendwo, ire frömde Stadt
ame frömde Egge
U si stellt ihm de di Frag:
?Hesch de du nid mal mis Härz übercho ??
u är wünschti so
är hättis no

Doch steit sie de da
cha är se nümm erreiche
Steit si würklich de da
de steit si wi ne Eiche
und het d`Chrone a
U si weises im Gheime
är isch immer no da
Si isch nid elleini
u laht ihn itz
la ga

Es isch dr Afang und isch z`Aend:
Het si d`Fäischter mal i d`Luft use dänkt
tröimt si sich dervo, bi Nacht u Wind
zum nächschte Bahnhof