Schwäfuhölzli Lyrics

U d´Lüt verzelle i´re Stadt im Norde
sit der Nöijahresnacht vor
zwöihundert Jahr
Geng we ä Stärn gheit, de isch öpper gschtorbe
denn sig´s es Meitschi gsy mit blonde Haar
Die z´grosse Schueh het?s underwägs verlore
so isch äs barfuess wyter düre Schnee
het sini Schwäfelhölzli treit und gfrore
und d´Lüt hei´s gschäftig überseh

E Tag nid eis Päckli chönne verchoufe
eso chas nid zum Vater hei
und wones dunkel wird u´s nümme ma loufe
huuret´s im Egge a´re chalte Mur elei

äs het sich umegluegt
gseht´s o niemmer nöime
dass äs es Hölzli usem Pack stibitzt
äs het i´d Flamme gluegt
u afa tröime und gmeint dass - uf me warme Ofe sitzt
U d´Grosmueter wo´s so het gärn gha
isch mit dr dritte, vierte Flamme cho
und am Himmel gheit e Stärn
da stirbt doch- irgendöpper irgendwo

äs het no alli Hölzli usem Pack verbrunne
ud d´Grosmueter nümm wölle la ga
e chalte Wind het um d´Husegge gsunge
- uf einisch bricht dr Morge a
äs sigi eifach nümme erwachet
hei d´Lüt du alli stuunend gseit
äs heig fasch usgseh, als hätt´is no glachet
wo´s all die Hölzli het verstreut

U d´Lüt verzelle i der Stadt im Norde
sit der Nöijahrsnacht vor zwöihundert Jahr
geng we ä Stärn gheit, de isch öpper gstorbe
denn sig´s äs Meitschi gsy mit blonde Haar