Mir zwöi Lyrics

Wüsch dir d Träne ab und lue mi mal a
La dys Gampfiross im Zimmer la stah
La der Teddybär los, mir wei verreise
I mues furt und i gah nid ohni di
la der Batman ufem Duvet la si
Mir si itze sälber gross, und mir si binenand

Mir zwöi - mir schaffe das scho
Ab dür d` Mitti und em Räschte dervo
O wenn di ganzi Wält
üs beidi nid wott dürelah

Mir zwöi - mir schaffe das ring
Was chönnt stercher sy als Mueter u Ching
U mir hinderlö e Spur
Wo fasch niemer finde cha
Dr Vatter schlaft itz äbe nümm näbedra
är chöm wider - wie gärn gloubt i da dra
Aber z Dornröslischloss
isch z töif verwachse

är isch furt, isch ggange ohni üs zwöi
Drum göh mir itze, solang mir no chöi
Solang mir dr Märliprinz
Nid z hert vermisse

Mir zwöi - mir schaffe das scho
Ab dür d` Mitti und em Räschte dervo
O wenn di ganzi Wält
üs beidi nid wott dürelah
Mir zwöi - mir schaffe das ring
Was chönnt stercher sy als Mueter u Ching
U mir hinderlö e Spur
Wo fasch niemer finde cha

Nächtelang hani ggrunge
um es Wort vo ihm i dr Nacht
Aber itze hani gwunne
i ha d Entscheidig gmacht