Filmriss Lyrics

Ersch hüt am Mittag
da hett sie`s de ändlech gmischlet gha
Si mues mal wieder under d`Lüt
- was d`Buze chöi verstah
Und ou das Fescht da
het sech gar nid schlächt aglah:
Sie het dä Typ ar Bar mit links
a dr Angle gha

U si tänkt
si gniess das Spiel mit ihm
solang das Spiel so locker geit

Bis zu däm Filmriss
Wenn är ghört, dass si deheime Ching het

Immer dä Filmriss
Wenn är verstört nume no über ds Wätter redt
und sich de umeluegt:
Het`s no anderi ar Bar mit schöne Haar ?
Si het`s nid liecht gha mit de Ching
sit si sich het trennt
bis si sich alli nadisna dadra hei gwöhnt

Nume die länge, lääre Nächt
- di het si no nid kennt
Grad wie we so`re Frou e Maa nei säge chönnt

Doch si kennt das alls scho z`guet
und s`bruucht geng meh Muet zum use gah

Bis zu däm Filmriss
Wenn är ghört, dass si deheime Ching het
Immer dä Filmriss
Wenn är verstört nume no über ds Wätter redt
und sich de umeluegt:
Het`s no anderi ar Bar mit schöne Haar ?

Wie mänge Maa hätt si gärn mal
gschüttlet gha:
Ja, ig liebe mini Chind - Aber säg was geit`s di a?

I ha luscht uf so viel Liebi
Heissi Hut u längi Nächt
u ig gibne was si bruche aber di wott ig für mi

Nid wider dä Filmriss
Nid wider dä Filmriss

Nid wider dä Filmriss
Nid wider dä Filmriss