Dichter uf de Böim Lyrics

Am Tag, wo me die letschte Tröimer
Ihrem letschte Schlaf zue furt het treit
Isch scho dr Näbel langsam cho
Am Tag, wo me die letschte Spinner
Zu ihrer letschte Rueh het häregleit
Het schon e Windstoss d` Bletter gno

Und d Dichter uf de Böim
Sy stiller worde
Ihri Tröim sy langsam gstorbe
Oh - wän stört das scho ?
Der grosse Wält sy keni Träne cho...

Am Tag, wo me du d Rätsel glöst
und alli Geischter het verbannt
Wo si der Oschterhas erschlage hei
Am Tag, wo me no düre gröscht
alt Häxewald en Outobahn het plant
isch d` Wält erstarrt zu Ys und Stei

Und d Dichter uf de Böim
Sy stiller worde
Ihri Tröim sy langsam gstorbe
Oh - wän stört das scho ?
Der grosse Wält sy keni Tärne cho...
Und wenn vilicht de einisch eine dert
Die lääre Stedt und Hüser gseht
Wo mir hei gläbt, de dänkt är nume no:
Der grosse Wält sy keni Träne cho...

Am Tag wo ou no Transsylvania
het e Bankfiliale übercho,
het Sturm die letschte Tanne gknickt

A däm Tag het dr Sensemaa da
mit Roschtfreier Klinge üs eso
No uf die letschti Gschäftsreis gschickt