Vorì savè el mestee che foo mì?
Cominci ai des or, finissi a mezz dì,
giri la Baia col motofurgon,
vendi lisciva, soda e savon.
Mi voo in gir de chi e de là,
mi voo in gir a lavorà,
hoo faa ona pigna de cart de milla,
m'è vegnuu in ment de comprà ona Balilla.
L'è stada la rabbia di mè fradei
ch'hann cominciaa a sgagnamm i budei,
la mia cusina, che la sta in via Larga
la m'ha mangiaa anca la targa.
La mia zia de Gorgonzoeula
cont i gomm l'ha faa la cazzoeula
el mè nonno, ch'el gh'ha l'angina
l'ha ciappaa la ciocca con la benzina.
La Maria che sta in la mia porta
la m'ha mangiaa la roeuda de scorta,
el todesch dislifen e slofen
el m'ha mangiaa in d'on boccon tutt el còfen.
El maresciall di carabinier
cont in bocca i quatter porter
e i sgagnava senza rispett,
insemma ai porter l'ha mangiaa anca i manètt.
El Carletto, stupidòtt
el s'è faa on vestì con la capòtt,
i me nevod p****e piscinitt
salten in vettura a mangiamm anca i vid.
A gh'è vun che ven de Bagg,
el ciappa i roeud e 'l me mangia i ragg,
in d'on canton gh'è 'l Salvador
cont in bocca el radiator.
El mè portinar ch'el porta i oggiai
salta su a mangiamm i fanai,
voo in questura a denuncià i dagn,
quand torni indree gh'è pù nanca i pedagn.
Passa on fioeu senza dentin
el me disvida i lampadin,
el mè fradell, quell malaa de diabete,
el fa finta de nient, el me mangia el magnete.
A voo per caso a trovà mia sorella,
ghe troeuvi in cà on piston e 'na bièlla,
quand torni indrèè gh'è restaa solament
el fumm del tubo de scappament.
Cominci ai des or, finissi a mezz dì,
giri la Baia col motofurgon,
vendi lisciva, soda e savon.
Mi voo in gir de chi e de là,
mi voo in gir a lavorà,
hoo faa ona pigna de cart de milla,
m'è vegnuu in ment de comprà ona Balilla.
L'è stada la rabbia di mè fradei
ch'hann cominciaa a sgagnamm i budei,
la mia cusina, che la sta in via Larga
la m'ha mangiaa anca la targa.
La mia zia de Gorgonzoeula
cont i gomm l'ha faa la cazzoeula
el mè nonno, ch'el gh'ha l'angina
l'ha ciappaa la ciocca con la benzina.
La Maria che sta in la mia porta
la m'ha mangiaa la roeuda de scorta,
el todesch dislifen e slofen
el m'ha mangiaa in d'on boccon tutt el còfen.
El maresciall di carabinier
cont in bocca i quatter porter
e i sgagnava senza rispett,
insemma ai porter l'ha mangiaa anca i manètt.
El Carletto, stupidòtt
el s'è faa on vestì con la capòtt,
i me nevod p****e piscinitt
salten in vettura a mangiamm anca i vid.
A gh'è vun che ven de Bagg,
el ciappa i roeud e 'l me mangia i ragg,
in d'on canton gh'è 'l Salvador
cont in bocca el radiator.
El mè portinar ch'el porta i oggiai
salta su a mangiamm i fanai,
voo in questura a denuncià i dagn,
quand torni indree gh'è pù nanca i pedagn.
Passa on fioeu senza dentin
el me disvida i lampadin,
el mè fradell, quell malaa de diabete,
el fa finta de nient, el me mangia el magnete.
A voo per caso a trovà mia sorella,
ghe troeuvi in cà on piston e 'na bièlla,
quand torni indrèè gh'è restaa solament
el fumm del tubo de scappament.