Mamma perdoname Lyrics

Mamma che faticave 'e nnotte sane
'nnanz'a nu lume pe' mme dá a mangiá...
'E vierno te gelave 'o core e 'e mmane...
e io stevo 'int''a cantina a mme spassá...
E pretennévo 'a te lusso e denare,
e quanno tu nun mm''e pputive dá,
te n'aggio date pene e morze amare...
te n'aggio fatto lacreme asciuttá.
Mamma,
mamma perdoname
pe' tutt''o mmale ch'aggio fatto a te...
Famme sentí 'sta mana benedetta
che mm'accarezza e tremma 'nfacci'a me...

Mamma...
Mamma perdoname!
Si quacche vota nun mme retiravo,
'o core se spezzava 'mpiett'a te...
E io ch''o vvedevo, ca mme n'addunavo...
facevo sempe finta 'e nn''o ssapé...
E, pe' na scellerata traditora,
ca tu chiagnive pe' mm''a fá lassá,
io te dicette, (mm''o rricordo ancora),
ca tu nun ire degna d''a guardá!
Mamma,
mamma perdoname...

Mo staje malata, staje malata a**aje...
e chistu figlio tutto 'nfamitá
ca, in vita soja, nun ha pregato maje,
mo chiagne e prega pe' te fá saná.
E ogge stesso, vicchiarella mia,
stu figlio malamente saje che fa?
Lassa 'a cantina e 'a mala c**pagnia
e torna, onestamente, a faticá...
Mamma,
mamma perdoname...
penza ca io tengo sulamente a te...
Pecché 'sta mana fredda mm'abbandona?...
Pecché tu 'nzierre ll'uocchie...ma pecché!?

Mamma!...
Mamma perdoname!...