Calypso Lyrics

I bi nid mit ihne und i bi o nid mit denä.
Bringe mini Zile wine «gloub i merke grad i bine».
Wüu die Lüt nid überlege wüu so jede wetti rede
aber ohni gross z'bewege Bullshit drüber lege.
I bi ging gross u überläge wäge hirnlos,
weni mini Meinig teile säge mir di Gringos,
wäge Fäde häbe oder ds Läbe läbe!
Häbe mi bi denä Fäde wo mi so chli zämechläbe.
Calipso oder Calypso?
Das isch hie d'Frag wo mer steue ha zum Glück scho
vorgängig aus zur Diskussion abeglade
plus d'Schribwiis i so me ne Buech nachegschlage.
Trotz au däm Getue mues me aber scho no iigseh:
Ohni Gspüri het me nume lauwarme Iistee.
Was mer de no gli gseh,
gib mer sone Beat, zwe,
räppe die ir Gschwindigkeit vom TG(V) oder ICE,
Honey hani fasch no weniger aus au Lüt.
Di Name isch Mani und di z'schütze nützt der gar nüt.
Vilech bisch de gross aber schizo.
Vilech wärsch es nid aber äs schiint so.
Doch di wichtigi Frag wird si u das blibt so:
Bisch de parat füre Calypso?
Vilech bisch de scho zu dim Glück cho.
Vilech aber no nid u das bedrückt so.
Aber vilech merksch irgendwie flasht mir das Stück no,
denn bisch parat füre Calypso.
Me darf nid der Rügge chehre me mues sini Brügge teere,
sondern mues au sini Fähigkeite Stück für Stück erlehre.
I bi glücklech und verehre der Calypsus,
är het heilendi Eigeschafte so wi Eukalyptus.
I wär ja der Typus und äs macht mer nix us.
Während der Genesig wachst Calyps i mim Tribhuus.
I bi nid perfekt aber immer wider keck,
de chani oft bewise was so i mir inne steckt.
Setz jetz ä Punkt wüu i merke grad,
i humple wi Veteran,
gumpe wi Peter Pan oder eh?... ke Plan!
Apropos weni mi begibe bini planlos
u aus woni no weis das beschribe i mit Bahnhof.
Gli arm u verwahrlost
plus am Nordpou vom Chopf scho fasch haarlos.