Nie jet jewäse Lyrics

Se woten all us d'r selve äd jebore
Soßen om Baum un wore janz voll Hoore
Et wor e schön Jeföhl -
wenn einer erunderfeel
Un se däten als wör nie jet jewäse
Dann kom d'r Dach an däm se üvverlaate
Die Naach dovür do woren se noch Aape
Et wot sich jrad jemaat -
de Steen en Falde jelaat

Un se däten als wör nie jet jewäse
Se däten eets ens dat Wichtije liere
Un zwar de jroße Schnautz ze riskiere
Dat m'r am mieste kritt -
wemmer mem Hammer kütt

Un se däten als wör nie jet jewäse
ävver deef en d'r Naach
weeden se wach: klein Jeister
Wenn am hellichten Dach
Et Speejelbild laach: Klein Jeister
Se han jesat d'r HäR dät se führe
Un die äd wör en Schief däten se schwöre
Su kom se unger et Joch -
ävver driehe deit se sich doch
Un se däten als wör nie jet jewäse
Och de Wiever kräte dovun jet ze spüre
Un manch ei wollt och nit esu richtich hüre
Se woote Hexe jenannt
un für de Wohrheit verbrannt

Un se däten als wör nie jet jewäse
ävver deef en d'r Naach
Lijjen se wach : klein Jeister
Wenn am hellichten Dach
Et Speejelbild laach : Klein Jeister
Un üvver Naach dät im alles jehüre
Sujar d'r Mond kunnt hä plötzlich berühre
Hä krät vum Düvel et Leech -
met op dä düstere Wäch
Un hä lurt als wör nie jet jewäse
ävver deef en d'r Naach
Weeden se wach : klein Jeister!
Un am hellichten Daach
Wenn et Speejelbild laach : Klein Jeister!
Deef en d'r Naach
Lijjen se wach: klein Jeister!
Dann sin se do
Dann es et wohr: Klein Jeister!
ävver deef en d'r Naach
Weeden se wach: klein Jeister!

edegl