يا منْ عانى وْلازالْ مْعانا
يْعاني...
منْ وعْر السّفرْ فالظـّلامْ
والوحوشْ الهايمة
من قلـّة لامانْ فالمْقامْ
والحزّة لمْداوْمة
لاحْ لفجرْ هْلالْ
وْراحْ اللـّيلْ وْسالا
نُضْ نشدّو الرّحالْ
قبلْ نْصبحو فالقايلة
يامنْ عانى ولا زالْ مْعانا
يْعاني..
من غرْقاتْ فيمّ الزّحامْ
والكتافْ العادْمة
من حرمانْ لسانْ من كلامْ
والاحكامْ الظالمة
يارفيقي فالحالْ
يا بْحالي فالحالة
هاذْ الحالْ اللي طالْ
ما طلعتْ منّو طايلة
تـْعالى عشيري تفاقدْ الحالْ تعالى تشــــُوفْ هاذْ المهزلـــــة
ولاّتْ بايْنة ما بْقى ما يتْقالْ وما بقاشْ لكلامْ يْحلّ مْســــــالَة
الخيلْ واقْفة رابْطاها لحبالْ والبغالْ كا تبوردْ مختــــــــالــة
ياويلي شبابْ الأمّة عـطـّالْ يا ويلي علاشْ الأمّة عــوّالــــة
وخيرْ الأمّة نهْبوهْ الجُهّــالْ بْلا مْزايدة باعوهْ الدّ لاّ لـــــــَــــة
يْعاني...
منْ وعْر السّفرْ فالظـّلامْ
والوحوشْ الهايمة
من قلـّة لامانْ فالمْقامْ
والحزّة لمْداوْمة
لاحْ لفجرْ هْلالْ
وْراحْ اللـّيلْ وْسالا
نُضْ نشدّو الرّحالْ
قبلْ نْصبحو فالقايلة
يامنْ عانى ولا زالْ مْعانا
يْعاني..
من غرْقاتْ فيمّ الزّحامْ
والكتافْ العادْمة
من حرمانْ لسانْ من كلامْ
والاحكامْ الظالمة
يارفيقي فالحالْ
يا بْحالي فالحالة
هاذْ الحالْ اللي طالْ
ما طلعتْ منّو طايلة
تـْعالى عشيري تفاقدْ الحالْ تعالى تشــــُوفْ هاذْ المهزلـــــة
ولاّتْ بايْنة ما بْقى ما يتْقالْ وما بقاشْ لكلامْ يْحلّ مْســــــالَة
الخيلْ واقْفة رابْطاها لحبالْ والبغالْ كا تبوردْ مختــــــــالــة
ياويلي شبابْ الأمّة عـطـّالْ يا ويلي علاشْ الأمّة عــوّالــــة
وخيرْ الأمّة نهْبوهْ الجُهّــالْ بْلا مْزايدة باعوهْ الدّ لاّ لـــــــَــــة