Gym Lyrics

Mi ta konfesá
M'a kibra mi promesa
I e aña nobo n' tin ni dos siman
Tur bon intenshon di konta kaloria
i di move, no a bai bon
Mi ta atmití
Di no a ni pas'ei banda
I mi n' sa dikon mi no ta kanselá
Mi ta un hende flo
K'un miembresia karu ku mi no por tir'afó

Otro dia mas
ku mi no a bishitabu
Otro dia mas
Ku m'a keda mi kas
Mi amigu Gym
Ta ki mi tin ku hasi pa lagabu
sin sintimi malu
Mi ta repentí
I mi sa ku ta mi falta
Ta tur fin di aña tin e mesun kansion
Entre loke mi ke i loke mi ta hasi semper bai tin un tenshon
Semper tin tenshon
Mi sa ku ta mi falta
E ta den korant
E ta den tur revista
Pa bo ke ta moderno, bon danki i salú
Sòr'i kome bon, i laga tur kos dushi
Ma por dios, mi n' sa ta kon