Bürgerlied von 1845 Lyrics

Ov mr rude, jäle Krage,
ov mer HeIm , ov Hötche drage
Stivvele oder Schoh.
ov mer Röck un Kleider niehe
oder Töpferschieve driehe
dat deit nix, dat deit nix, dat deit janix dozo.
Ov mr künne präsidiere
oder müsse Akte schmiere,
ohne Rast un ohne Rouh
Ov mr schlaue Rede´ schwinge
oder Höhnerlieder singe
dat deit nix, dat deit nix, dat deit janix dozo.

Ov mr stolz zu Rosse rigge
oder ov zu Foß mr schrigge
jradwegs op et Ziel drop zo.
Ov uns Krütze vürre schmöcke
oder Krütze hinge dröcke
dat deit nix, dat deit nix, dat deit janix dozo.
Ävver ov mer Neues baue
oder Ahles bloß verdaue
wie et Jras verdaut de Koh.
Ov mer en dr Welt jet schaffe
oder bloß de WeIt bejaffe
dat deit jet, dat deit jet, jo dat deit jet dozo.

Ov em Kopp e besje Jrütze
un et Hätz voll Leech un Hitze
dat et brennt en einem huh.
Oder ov mer hingerm Zung
schlöfrig sitze, janix dun -
dat deit jet, dat deit jet, jo dat deit jet dozo.
Ov mr rüstig un jeschäftig
wo et jilt su richtig kräftig
hinlange - un packe zo.
Oder ov mer einfach denke:

Och dr Herrjot weed et lenke
dat deit jet, dat deit jet, jo dat deit jet dozo.

Dröm ihr Schwestern, dröm ihr Bröder
en einem Bund fingk mr sich widder
un och Do jehöös dozo
die dat Leed han metjesunge -
wie die Ahle - su die Junge
die dun all´, die dun all´, die dun all´jet dozo!