Mei guada Freind Lyrics

du warst doch gestern erst no bei mir
i spür dei hand, no warm und stark
und deine augn, die ned vorbei schaun an die mein
da sommer hod mei haus verlassen,
a koida luftzug hoit mi fest
und meine kinder trauern um an guadn freind

na, du woits ned im sommer sterbn,
da winter woa no ned ganz vorbei
a tränenreicher abschied, in ana tränenreichn zeit

dei seele hod ihr freiheit kriagt und i bin eingsperrt woan auf dera wöid,
oba den platz da neba dia, den hoidst für mi frei
du woast doch gestern erst no bei mir
dei stui steht do, wia wenn a woat, dassd wieda zruck kimmst
und dassd die zuawa sitzt zu mir

dei locha geistert no oiwei durch mei haus
i werd mei bett ned frisch beziagn, indem i schlof, so
dass i morgn no nach dir riach

i moch heit olle fenster auf,
und ganz egal wannst wieda kimmst,
nix soid dein weg vasperren,
du bist bei mir oiwei gern gseng
dei seele hod ihr freiheit kriagt
und i bin eingsperrt woan auf dera wöid,
oba den platz da neba dir, den hoidst für mi frei

du woast doch gestern erst no bei mir
und unser abschied woa so kurz,
dass i goa ned glaub, dass des fia oiwei woa