التغريبة 2 ( تذكرتى )
طعم البعاد صبار .. والغربة ليل بهتان
ياقلبى ياموجوع .. إياك تكون قلقان
لو طالت المسافات .. انا والأمل اخوات
وتالتنا كان الليل .. ده انا ليا فيها النيل
وليها فيا الروح .. ما اخترتش إنى اروح
ما انا جوعى كان كفران .. ملعون ابوك ياطموح
آخرك تشوفلى كفيل .. لكنى مش قلقان
تذكرتى رايح جى .. انا مش فى بلدى عويل
لكـنى مش بتشاف .. زهرة سنينى عجــاف
مع إنى ليا عزيز .. أفتونى فى رؤياى
لمـوا الأمانى إزاى .. حطوها على الباسبور
احلامى صبحت بور .. ممنوع عليها الضى
لكنى مش قلقان .. تذكرتى رايح جى
البعد عنك خوف .. وأنا عالرجوع ملهوف
لكنى هعود ازاى .. ومكانى كله ضيوف
ياقلبى ياموجوع .. يا آهه حاضنة دموع
حب البلد بيعيش .. لما يموت الجوع
ياحضن بيساعنى .. واحتجت له وباعنى
ساعة ما مد إيديه .. شاور وودعنى
لكـنى مش قلقـان .. تذكـرتى رايح جـى
طعم البعاد صبار .. والغربة ليل بهتان
ياقلبى ياموجوع .. إياك تكون قلقان
لو طالت المسافات .. انا والأمل اخوات
وتالتنا كان الليل .. ده انا ليا فيها النيل
وليها فيا الروح .. ما اخترتش إنى اروح
ما انا جوعى كان كفران .. ملعون ابوك ياطموح
آخرك تشوفلى كفيل .. لكنى مش قلقان
تذكرتى رايح جى .. انا مش فى بلدى عويل
لكـنى مش بتشاف .. زهرة سنينى عجــاف
مع إنى ليا عزيز .. أفتونى فى رؤياى
لمـوا الأمانى إزاى .. حطوها على الباسبور
احلامى صبحت بور .. ممنوع عليها الضى
لكنى مش قلقان .. تذكرتى رايح جى
البعد عنك خوف .. وأنا عالرجوع ملهوف
لكنى هعود ازاى .. ومكانى كله ضيوف
ياقلبى ياموجوع .. يا آهه حاضنة دموع
حب البلد بيعيش .. لما يموت الجوع
ياحضن بيساعنى .. واحتجت له وباعنى
ساعة ما مد إيديه .. شاور وودعنى
لكـنى مش قلقـان .. تذكـرتى رايح جـى