Unändlich chli Lyrics

Uf em Wäg zur Büetz, oder uf em Wäg Hei,
Tuusig Mönsche-Gsichter, chaut wi us Schtei,
Säg Du mir was tuet öich de so weh...?
Vergässe um was es geit,
Oder isch es würklich so schär z'gseh...?
Unändlich chli wie mir si,
Flüge mir zäme dür ds All,
A dr Sunne verbi,
Tuusig mau schneller als dr Schall...

Unändlich chli, Du u ig,
Das isch aues was mir si,
Schtärneschtoub uf sim Wäg,
A dr Sunne verbi...

Ds Läbe isch e Chrampf, scho geng eine gsi,
E Tag-tägliche Kampf, u so schnäu verbi,
Drum vergiss das nie, we Du am Morge ufschteisch,
Probier chli glücklich z'si...wöu...
...so schnäu wi Du cho bisch, so schnäu geisch...weisch...
Unändlich chli wie mir si,
Flüge mir zäme dür ds All,
A dr Sunne verbi,
Tuusig mau schneller als dr Schall...

Unändlich chli, Du u ig,
Das isch aues was mir si,
Schtärneschtoub uf sim Wäg,
A dr Sunne verbi...
Unändlich chli wie mir si,
Flüge mir zäme dür ds All,
A dr Sunne verbi,
Tuusig mau schneller als dr Schall...

Unändlich chli, Du u ig,
Das isch aues was mir si,
Schtärneschtoub uf sim Wäg,
A dr Sunne verbi...