Selyma Lyrics

Text: George Schwab
Musik: Chris Mathys

Was isch passiert? Was mach i hie?
Ha mi verloffe. Weis nümm, won i bi.
I ha mym Alltag wölle entflie.
Die Stadt, so gross, und i chly wie no nie.
S-Bahn-Haltstell, irgendwo im Ghetto.
I ganz alei. I chas nid gloube.
Der Zug, won i druuf warte, dä wird nümm cho.
Da steisch du vor mir, mit vergrännete Ouge.

Kenne di nid, aber guet, bisch cho.
I ha scho gmeint, i müess die Nacht überstah.
Kenne di nid, aber bi würklech froh,
nume z wüsse: Bi nümm aleini da.
Hey, Selyma, i ha di denn und nächhär nie meh gseh.
Die paar Minute mit dir hei mir zeigt,
was es heisst, frömd i mene frömde Land z sy.
Hey, Selyma, i wirde di sicher nie meh gseh.
Doch dank dir weis i ändlech, was es heisst,
irgend en Usländer z sy.

Si het mi gfragt, wohär i bi
und was i hie suech am Arsch vor Wäut.
Der Zug syg scho wägg. Das darf nid sy!
Nid mau für ds Taxi längi ds Gäld.
Si wett am liebschte gar nümm hei.
Wöü ihre Typ, dä schlat se ab, we si z spät isch.
Si möcht wider zrügg i d Türkei.
Wenn ou dört ds Läbe mängisch e Scheiss isch.
I ha nume gseit: "Das darf nid sy!"
Nimm die Stütz, ou wenns myni letschte sy.
Hou sofort ab u nimm der es Taxi,
und säg däm Schwein, är söu di la sy!