Senhor Galandum Lyrics

Baile misto que muito se baila na Tierra de Miranda. La letra fala de la preferénça de l poder local an beç de l poder central: "Yá nun manda l rei que manda la justícia, esses bailadores que se caian cun la risa (...) yá nun manda l rei que yá manda l alcalde, esses bailadores que se lhebánten i que bailen. Galandum Galundaina, son bariaçones de la palabra galante (Galandum - Galante, Galundaina - Boémio). Las dues partes de l tema splican bien estas dues figuras: l galano Galandun i l debertido Galundaina. Esta música dou l nome al grupo i a todo este trabalho.

Senhor Galandum, Galandum Galundaina
Madre la bizcaia, cun las trés traseiras, cun las delantreiras
Dá-me la mano squierda, dá-me la dreita
I arréden-se atrás, que manda la reberéncia
Yá nun manda l Rei, que manda la justícia
Esses bailadores que se cáian cun la risa,
que se cáian, que se cáian

Yá nun manda l Rei, que yá manda l'Alcaide
Esses bailadores que se lhebanten i que bailen,
que bailen, que bailen
Yá nun manda l Rei, que manda la Justícia
Essas bailadeiras que se cáian cun la risa,
que se caian, que se cáian

Yá nun manda l Rei, que manda l Regidor
Essas bailadeiras que se lhebanten i que bailen,
que bailen, que bailen
La casa de l Cura nun ten mais que ua cama
An la cama drume l Cura donde conhos drume l'ama,
donde conhos drume l'ama

Tu madre me dixo que eras machorra
Me saliste prenha, mira que porra,
que porra, que porra