't Huikske Lyrics

Wie ich nog ei jungske waas
zoo van ei jaor of zös
doe vong ich jaer van alles aan
en leit ich niks mit rös
Zout ich aan 't trummelke
en pakde mich ei kuikske
dan zag de Mam "Doe deugeneit,
ich zet dich in 't huikske !"
Tra-la-la-la-la (4x)

Wie ich al get groter woort
de sjoolteid waas verbie
doe hauw ich gaer, wie jederein
ei maedje aan mien zie
ei knap gezichske, 'n aardig kéndje
mit öm de kop ei duikske
ich sjprouk dan mit dat maedje aaf
op ein of anger huikske
Tral-la-la-la-la (4x)
Wie ich later vrieje göng
ich waas vol gouwe moud
veer noume aafsjeid in de gank
ich weit 't nog zoo goud
opéns versjeen de sjoonpapa
dae zag doe mit ei vluikske
"Waat möt dat mit mien dochter noe,
dao in dat duuster huikske ?"
Tra-la-la-la-la (4x)
Went ich éns bie Petrus köm
en klop dao aan de deur
dan zaet 'r "Jong, 'm doe mer in,
doe sjteis ter heel goud veur
doe höbs toch nemes kaod gedaon,
dao sjteis niks in mie buikske".
Dan vraog ich " Petrus, zét mich mer,
mit ein éngelke in ein huikske !"
Tra-la-la-la-la (4x)